أحدث ديكورات شقق مودرن من كتالوج التصميم الداخلي والخارجي 2023

أحدث ديكورات شقق مودرن من كتالوج التصميم الداخلي والخارجي 2019

 

احدث الديكورات المنزلية – ديكورات خارجية 2023

ديكورات داخلية وخارجية 2023

مدخل البيت والحديقة هما أول حاجة بتشوفها الضيوف، عشان كده كتير من الناس بتهتم بيهم وبتدور ازاي ممكن تخلي شكلهم مميز، ده غير طبعًا ان الحديقة كمان لاستعمالك الشخصي وذوقها وترتيبها بيأثر على مودك وبيخليه أحسن.

لو عايز تعرف أكثر عن باقي غرف المنزل الداخلية وديكوراتها شكلها عامل ازاي السنة دي تابع سلسلة أحدث الديكورات المنزلية على يوفن دوت كوم من هنا: ديكورات داخلية 2023 – المطابخ والحمامات 2023– غرف النوم والمعيشة 2023

احدث الديكورات المنزلية

ديكورات مداخل المنزل 2023

بعض الناس بتفضل مداخل البيت تكون بسيطة بأبواب ألوانها غامقة ومعلق عليها تابلوهات خشب متزينة بورد أو أغصان شجر مكتوب عليها عبارات ترحيبية عشان تناسب كل مواسم السنة.

الموضة في 2023 لمداخل المنزل:

  • إضافة ألوان ناعمة لباب البيت زي اللبني والأصفر، والأخضر، والطوبي. والجديد في الديكورات المحيطة بالباب السنة دي أنها تتغير مع كل مناسبة أو كل موسم زي أعياد الكريسماس والخريف، ورمضان.
  • اضافة أواني زرع او ورد على السلالم قدام الباب ولمبات صغيرة للاضاءة الليلية معلقة على سور السلالم.

ديكورات مداخل المنزل 2019:

ديكورات مداخل المنزل 2019
ديكورات مداخل المنزل 2019
ديكورات مداخل المنزل 2019
ديكورات مداخل المنزل 2019
ديكورات مداخل المنزل 2019

ديكورات الحدائق المنزلية 2023

الموضة السنة دي في حدائق البيت هي الفرش المتنوع فمثلاً:

  • ممكن نحط “برجولة” في وسط الحديقة لو مساحتها كبيرة أو “برجولة”  خشب على جانب المنزل فوقها زرع ملفوف بيغطيها، وتحتها قطع أثاث ممكن تكون كنبة و كراسي و “بين باج”، أو ممكن ببساطة تعتمد بس على ترابيزة وكراسي.
  • ممكن كمان يتحط دولاب زجاجي في وسط الحديقة يتحط فيه أحواض من الورد والنباتات الصغيرة.
  • الموضة كمان استخدام نافورة صغيرة في وسط الحديقة أو في أخرها وحولها سور من الزرع.
  • ممكن كمان تدرج الحديقة فمثلا البرجولة تتحط في مستوى والزرع نفسه في مستوي أقل عشان تقدر تشوف الحديقة كلها، ده غير المجرى المائي الجديد اللي بيحيط بالحديقة نفسها وجواها على أشكال هندسية متداخلة.
ديكورات الحدائق المنزلية 2019
ديكورات الحدائق المنزلية 2019
ديكورات الحدائق المنزلية 2019
ديكورات الحدائق المنزلية 2019
ديكورات الحدائق المنزلية 2019
ديكورات الحدائق المنزلية 2019

ديكورات البلكون الخارجي 2023

البلكون هو منفذ البيت، والمكان اللي ممكن تستجم فيه وتستمع بهواء نقي أو منظر خارجي جميل، وفيه بعض الناس بتظن ان البلكون لازم يكون مساحته كبيرة عشان تقدر ترتبه صح لكن هنا هنقولك على أحسن طرق تستغل فيها المساحات الصغيرة والكبيرة بشكل رائع.

أولًا المساحات الكبيرة:

  • ممكن تستخدم ألوان الفرش و الحائط من الألوان الفاتحة علشان تدي شعور بالراحة والاتساع.
  • ممكن تغطي أرضية كبيرة بالنجيلة علشان تدي انطباع الحديقة.
  • ممكن تفرش جزء من المساحة بكراسي وترابيزة صغيرة.
  • ممكن تضيف زرع وشجر صغير جنب سور البلكون.
  • لو المساحة تسمح، ممكن تضيف برجولة.
ديكورات البلكون الخارجي 2019
ديكورات البلكون الخارجي 2019
ديكورات البلكون الخارجي 2019
ديكورات البلكون الخارجي 2019

ثانيًا: المساحات الصغيرة

  • ممكن تستخدم ألوان مبهجة للفرش و الحائط وأرضيات باركيه بألوان فاتحة.
  • ممكن تزود أرفف للكتب مع كنبة صغيرة مريحة للقراءة.
  • ممكن تضيف رف طويل زي طاولة طعام عالية مع كراسي لتناول الطعام.
  • ممكن تضيف ديكورات بسيطة من الزرع أو أواني ورد صغيرة تتعلق على السور مع كرسي هزاز.
  • ممكن تضيف لمبات صغيرة تدي اضاءة خفيفة في الليل وتزين السور في نفس الوقت.

 

ديكورات البلكون الخارجي 2019
ديكورات البلكون الخارجي 2019
ديكورات البلكون الخارجي 2019
ديكورات البلكون الخارجي 2019

 

احدث الديكورات المنزلية – غرف النوم والمعيشة 2023

بيتك هو انعكاس لذوقك، وكل حد فينا بيكون عايز بيته دايمًا على الموضة وشكله جميل، عشان كده هنعرض لك من خلال 4 مقالات مترابطة أجدد التصميمات اللي بيستخدمها أشهر مهندسين الديكور السنة دي في الغرف المختلفة في البيت وكل غرفة مفروض يكون فيها ايه حسب الديكور العام للبيت (مودرن/كلاسيك).

دلوقتي هنتكلم بالتحديد عن ديكورات غرف النوم وغرف المعيشة، لو عايز تعرف أكتر عن باقي ديكورات البيت، تابع: “أحدث ديكورات المطابخ والحمامات 2023” على بروبرتي فايندر.

ديكورات غرف النوم 2023

بيختلف الديكور في غرف النوم عن باقي البيت بأنه لازم يتوفر فيه كل وسائل الراحة والاستجمام زي ان الاضاءة تكون هادية والفرش مريح ومترتب بطريقة كويسة ومتناسق مع بعضه.

ألوان غرف النوم

  • الديكور الكلاسيك: بتميل الوان غرف نوم في الديكور الكلاسيك للون الأبيض عشان لون أنيق وبسيط في نفس الوقت، أو ألوان الباستيل الناعمة زي البيج، وبتكون الإضاءة بسيطة بتظهر رقة الألوان.
  • الديكور المودرن: الألوان الموضة في الديكور المودرن هى الأزرق، والبني بدرجاته، والرمادي، وكمان فيه توجه جديد بدمج لونين في الغرفة الواحدة زي الأزرق والبيج.

اضاءة غرف النوم

وحدات الاضاءة بتلعب دور مهم في توضيح شكل الغرفة واناقتها. وعلشان كده بتعتمد الاضاءة في الديكور الكلاسيك على وجود أكتر من عنصر غير مباشر في الأوضة يكون سهل التحكم فيهم.

  • الديكور الكلاسيك:الموضة السنة دي في الديكور الكلاسيك هى الدمج بين نجفة في نص السقف مع زخرفة من الجبس و إضاءات جانبية أو أبليك متعلق جنب السرير.
  • الديكور المودرن: الموضة في الديكور المودرن هى “مصابيح نصف كرة متدلية” من السقف وألوانها غامقة حسب درجات لون الغرفة، أو أباجورات باللون الأبيض جنب السرير.

عفش غرف النوم

  • الديكور الكلاسيك: بالنسبة لموضة السراير في الديكور الكلاسيك، فهى بتكون حجمها كبير، ومزينة بأشكال الخشب الذهبي في أولها وأخرها، والفرش بتاعها بتكون ألوانه هادية زي الأبيض والرمادي الفاتح والبيج ومتعلق على الحيطة ورا السرير ستاير ضخمة من درجات البني، وبيكون فيه كومود جانبه من الناحيتين محطوط وراه مرايات طويلة رفيعة.
  • الديكور المودرن: السراير في الغرف المودرن بتكون حجمها أصغر، ومصنوعة من الخشب. والفرش بيكون بسيط بالألوان البني، أو الرمادي، أو الأبيض.
  • بالنسبة للوح والمرايات، فالموضة سنة 2023 هي مرايات على شكل شمس بتتعلق على الحيطة ورا السرير أو اللوح الفنية الضخمة، وجنب السرير موجود مرايا كبيرة طويلة.

ارضيات وديكورات جبس غرف نوم:

كل العناصر اللي وضحناها فوق بتحدد شكل ديكورات سقف غرف النوم هتكون ازاي.

  • الديكور الكلاسيك: الموضة السنة دي بالنسبة للديكور الكلاسيك هي ان السقف يكون لونه أبيض وفيه نجفة في النص تزينه أو يكون مزين بأشكال هندسية من الجبس ، أو ممكن يكون من اللوح الخشب العريض البارز بطول السقف.
  • أما بالنسبة للأرضيات، فهتكون من الباركيه أو السيراميك باللون البني الفاتح.
  • الديكور المودرن: السقف بيكون بسيط باللون الأبيض أو الرمادي الفاتح، وبعض منه متزين من الجنب بأشكال هندسية من الجبس.
  • أما الأرضيات، فبتكون من سيراميك بنقاشات الرخام الناعم، أو بتكون باللون الأبيض السادة.
ديكورات غرف نوم مودرن 2019
ديكورات غرف نوم مودرن 2019
ديكورات غرف نوم كلاسيك 2019
ديكورات غرف نوم كلاسيك 2019

ديكورات غرف المعيشة 2023

غرفة المعيشة هى من اوائل الغرف اللي بيشوفها الضيوف، وعشان احنا بنقضى فيها معظم وقتنا في البيت فلازم نهتم بان الديكور بتاعها الوانه واشكاله متناسقة، ولازم ندور على الجديد في ديكوراتها ونحاول نغيرها كل مدة علشان نتجنب الزهق.

ديكورات غرف معيشة 2019

ألوان غرف المعيشة

  • الديكور الكلاسيك: الألوان الموضة في الديكور الكلاسيك هى الأبيض الموحد أو خليط من الأبيض والأصفر الباستيل، مع حيطة واحدة فيه شبابيك ضخمة وطويلة علشان تدخل نور كتير وتوفر منظر جميل للغرفة.
  • الديكور المودرن: اللون الرمادي الباستيل هو المنتشر في 2023، وممكن يزيد عليه رسم شكل فني على حيطة واحدة بس علشان تشد الانتباه.

إضاءة غرف المعيشة

  • الديكور الكلاسيك: إضاءات على شكل “سبوت” صغير في السقف أو على شكل أبليك صغير في الحيطة الجانبية.
  • الديكور المودرن: الإضاءات بتكون على شكل “مصابيح متدلية” من السقف أو اباجورة جانبية.

عفش غرف المعيشة

  • الديكور الكلاسيك:  بتتميز بانتريه كبير في الحجم لونه موحد ومصنوع من الجلد أو القماش المختلط مع الخشب. والألوان الموضة في الديكور الكلاسيك مستمرة باللون البني الغامق.
  • الديكور المودرن: الموضة هي دمج أكتر من لون في الفرش، وده بيكون واضح باستخدام قطعة مميزة لوحدها بلون براق يخطف العين مثل الأصفر المستردة مع باقي القطع لونها أبيض أو باستخدام قطعة بنقشة مشجرة مع قطع سادة.
ديكورات غرف معيشة مودرن 2019
ديكورات غرف معيشة مودرن 2019
ديكورات غرف معيشة مودرن 2019
ديكورات غرف معيشة كلاسيك 2019

أرضيات وديكورات اسقف غرف المعيشة

  • الديكور الكلاسيك: السقف بيكون لونه أبيض موحد ومعاه نجفة كلاسيك في وسط السقف، والأرضيات اللي بتليق عليه بتكون الأرضيات الباركيه أو السيراميك بدرجات فاتحة.
  • الديكور المودرن: الموضة هو اللون الأبيض الموحد في السقف مع دمج اشكال هندسية من الجبس في وسط السقف. أما الموضة في الأرضيات، فهي استخدام سيراميك بنقاشات الرخام والباركيه.

 

احدث الديكورات المنزلية – ديكورات داخلية 2023

غرف الصالة والصالون بيدوا أول انطباع عنك وعن باقي البيت كله  بالنسبة لأي ضيف، وده لأنهم الوجهة الأولى اللي بتوضح ذوقك. علشان تدي الانطباع الصح عنك، بروبرتي فايندر بتقدملك احدث افكار الديكورات لغرف الريسبشن حسب كل نوع ديكور وشكل العفش وتوزيعه يكون إزاي.

احدث الديكورات المنزلية

ديكورات الصالونات 2023:

الوان غرف الصالون

  • الديكور الكلاسيك: بتميل الوان غرف الصالون الكلاسيك للبيج أو الرمادي الباستيل.
  • الديكور المودرن: الألوان الجديدة السنة دي هي خليط من الألوان الروز والرمادي أو الرمادي مع اللبني الباستيل.

إضاءة غرف الصالون

  • الديكور الكلاسيك: الاضاءة السنة دي فيها اكتر من اختيار، فمثلا ممكن تكون أباجورة فوق طرابيزة، أو نجفة متعلقة، أو ابليك في الحيطة، أو أباجورة طويلة جنب كنبة الصالون.
  • الديكور المودرن: احلى حاجة السنة دي هي الأباجورات الطويلة، واللمبات الطويلة الممتدة من السقف.
إضاءة غرف الصالون
إضاءة غرف الصالون
إضاءة غرف الصالون

عفش غرف الصالون

  • الديكور الكلاسيك: العفش بيكون شكله فخم، ولونه أبيض أو روز باستيل وبيكون عليه زخرفة باللون الذهبى أو الفضي من الأطراف، وبيكون فيه ترابيزة في النص بنفس لون العفش.
  • الديكور المودرن: حجمه بيكون صغير، وألوانه بيج بالكامل، أو مزيج من الأبيض والتركواز، مع وجود ترابيزة في النص، و ترابيزة تانية طويلة في الجنب علشان يتحط عليها كتب أو فازة ورد.

ديكورات سقف وأرضيات الصالون

  • الديكور الكلاسيك: السقف بيكون أبيض أو بيج سادة مزخرف من الجنب بجبس، والأرضيات بتكون سيراميك أبيض أو سيراميك بنقشة الباركيه.
  • الديكور المودرن: السقف بيكون أبيض سادة بدون زخرفة والأرضيات بتكون سيراميك، أو باركيه باللون الغامق.
ديكورات الصالونات
ديكورات الصالونات
ديكورات الصالونات
ديكورات الصالونات

ديكورت غرفة السفرة 2023 

الوان غرف السفرة 

  • الديكور الكلاسيك: اللون البترولي الباستيل هو الغالب على الديكورات الكلاسيك لغرف السفرة، كمان فيه خلط أكثر من لون مع بعض زي النبيتي الباستيل مع الرمادي، والبيج مع الأسود.
  • الديكور المودرن: فيه بعض الألوان الجديدة موضة مع بعضها هما الرمادي والبيج، والأسود مع البيج، والأزرق مع الرمادي.

إضاءة غرف السفرة

  • الديكور الكلاسيك: الموضة السنة دي في الاضاءة هى النجف الطويل الممتد لحد السفرة، أو ممتدة بطول السفرة.
  • الديكور المودرن: من الأفكار الجديدة، إضافة وحدة اضاءة او أكثر فوق السفرة مباشرةً وغالبًا بتكون على شكل اباجورة لونها أسود.
إضاءة غرف السفرة
إضاءة غرف السفرة
إضاءة غرف السفرة

عفش غرف السفرة

  • الديكور الكلاسيك: التوجه الجديد هو استخدام وحدات سفرة على أشكال هندسية مضلعة مع اضافة تصميمات جديدة وأشكال مختلفة من أرجل السفرة تضيف لمسات أنيقة للغرفة، وغالبًا بتكون السفرة جنبها نافذة كبيرة عليها ستائر كلاسيك مكونة من طبقات.
  • الديكور المودرن: موضة2023 هي اختيار أشكال مختلفة عن الأشكال المألوفة، علشان كده ظهر الشكل المثلث بكراسي موزعة على أضلاع المثلث ده، وحجم السفرة بيكون صغير.

ديكورات اسقف وأرضيات السفرة

  • الديكور الكلاسيك: السقف باللون الأبيض، والأرضيات سيراميك بنقشة الرخام، أو بنقشات أخرى تشبه نقشات وألوان الحائط.
  • الديكور المودرن:السقف بيكون بسيط بنفس ألوان الحائط، أو باللون الأبيض، والأرضيات من الباركيه بالألوان الغامقة والفاتحة.
ديكورات اسقف وأرضيات السفرة
ديكورات اسقف وأرضيات السفرة
ديكورات اسقف وأرضيات السفرة
ديكورات اسقف وأرضيات السفرة
ديكورات اسقف وأرضيات السفرة
ديكورات اسقف وأرضيات السفرة

 

◄ يوفن توصيك بتصفح: المشروعات العقارية الحالية في العاصمة الادارية الجديدة ⇓⇓

 

2 Comments

Leave a Comment