ازاي تشطب شقتك مع أحدث ديكورات اضاءة في رمضان 2019 ( بالصور والفيديو)

ازاي تشطب شقتك مع أحدث ديكورات اضاءة في رمضان 2019

ازاي تشطب شقتك مع أحدث ديكورات اضاءة في رمضان 2019

احدث ديكورات منزلية 2019

المقال دا بيتكلم عن 3 موضوعات في ديكور المنزل وهما كالتالي:

ازاي تشطب شقتك على الطوب الأحمر؟

أحدث ديكورات الإضاءة 2018 – طبقات الإضاءة

أحدث افكار لتزيين المنزل في رمضان بالصور 2019

عندك شقة ومش عارف تشطبها ازاي؟ شركات التشطيب أسعارها غالية بالنسبالك؟ خايف من شغل الصنايعية ومن النصب في الأسعار؟ ولا يهمك من دة كله، احنا هنعرفك ازاي تشطب شقتك على الطوب الأحمر في 10 خطوات، وهنقولك كمان كل الأدوات اللي ممكن تحتاجها للتشطيب والأسعار علشان نسهل عليك الموضوع، وتعرف تتابع مع الصنايعي وانت فاهم كل حاجة في اساسيات التشطيب.

ازاي تشطب شقتك على الطوب الأحمر؟

  • 1- تحديد التقسيم الداخلي للشقة

ودي أول مرحلة لازم تتم بعد ما تستلم شقتك على الطوب الأحمر وقبل ما تبدأ تشطب وهي انك تحدد تقسيمة الشقة هتبقا ازاي من جوا ، وتشوف لو هتضيف حاجة لأن أي تعديل قبل التشطيب بيكون أسهل بكتير ومش هيخسرك فلوس.

الأدوات اللازمة:  علشان مرحلة التقسيم تكون مناسبة لاحتياجاتك، كل اللي ممكن تحتاجه في المرحلة دي مونة وأحسن حاجة ممكن تجيبها هي المونة الأسمنتية، وطوب مخرم ودة النوع الأفضل لأنه بيسمح للمونة أنها تتغلغل فيه، ودة هيزود من صلابة الجدار اللي بتبنيه.

لكن لو بتدور على نوع أرخص، ممكن تستخدم النوع المقفول أو المصمت ولكن دة عيبه انه بيقلل من قوة الجدار.

خطوات التنفيذ:

كل اللي هتعمله انك تتابع الصنايعي علشان تتأكد ان المقاسات مظبوطة وانه بيستخدم المسطرة والخيط في بناء الجدار الجديدعلشان تتجنب عيوب المحارة في المراحل الجاية.

 ازاي تشطب شقتك مع أحدث ديكورات اضاءة في رمضان 2019 التقسيم الداخلي للشقة

التقسيم الداخلي للشقة

أعمال الكهرباء

في المرحلة دي لازم تشتري الخامات اللازمة للكهرباء واحرص أنك تختار خامات نظيفة وجودتها عالية علشان تتجنب أي أعطال داخلية بعد كدة.

الأدوات اللازمة: خراطيم، وروزيتات، وبواتات، وأسلاك، وعلب بلاستيكية، ومفاتيح الكهرباء، ومفاتيح التابلوه، والدوائر العمومية، والدوائر الفرعية “النقطة”، وبريزة قوى علشان تحمل عليها السخانات، والميكرويف، والفرن الكهربائي.

خطوات التنفيذ:

  • التأكد ان العلب والمخارج واماكن التجميع من اللوحات على الحوائط مطابقة للتصميمات.
  • تكسير الحوائط حسب الرسم الهندسي اللي انت اختارته.
  • لو مختارتش رسم هندسي معين، يبقا هتحدد تقسيمة الكهرباء في شقتك حسب احتياجاتك، وأماكن مفاتيح الكهرباء، وتقسيمة الاضاءة كمان.
  • اعرف من الصنايعي الوقت اللي هيحتاجه علشان يخلصلك أعمال الكهرباء والأسعار، وبشكل عام متوسط مصنعية الكهرباني لشقة 100 متر تتراوح ما بين 3000 – 4000 جنيه. وفي حالة الدفع، انت بتديله نص الأجرة قبل ما يبدأ الشغل والنص الثاني بعد ما يخلص من تركيب وشوش الكهرباء، والاضاءات، والنجف.
  • تابع مع الصنايعي المراحل اول بأول، والمفروض الخطوة الثانية انه يثبتلك الخراطيم بالرمل والأسمنت في أماكن التكسير.
  • تركيب الأسلاك وتدكيكها في الخراطيم في الحيطة وتقفيلها.
  • اتفق مع النقاش أنه يدهنلك الحيطة بعد ما الأسلاك تتركب.
  • بعد كدة الكهربائي بيركبلك وش البريزة في كل الغرف والحمامات.

أفضل الأماكن لشراء مستلزمات الكهرباء:

 منطقة الرويعي، ومنطقة درب البرابرة، أما لو كنت من سكان الاسكندرية فممكن تتجه للمنشية أو العطارين ولكن في كل الأحوال لازم تفاصل مع البياعين لأنهم بيعلوا الأسعار للضعف. أما بالنسبة للاضاءة، فهتلاقي محلات كتير في ميدان الجامع وبتبعلك لمبات بكل الأشكال والألوان!

 أفضل الأماكن لشراء مستلزمات الكهرباء اعمال الكهرباء

أعمال السباكة

في الخطوة دي بنوصل المياه للمطبخ والحمام عن طريق المواسير، وبيتحدد مكان الحوض، ومخارج المياه، والصرف الصحي، والسخان، وطبعا في المرحلة دي بنستعين بالسباك.

خطوات التنفيذ:

  • معرفة مقاسات الأجهزة الكهربائية زي البوتاجاز، والغسالة، والثلاجة وتحديد مكانها أولا.
  • تكلفة المصنعية لاعمال سباكة المطبخ والحمام ممكن تبقا في حدود 1500 جنيه، ولو عندك حمام صغير ممكن يكلفك من 500 – 800 جنيه، والسباك بياخد نصهم تأسيس ونصهم تشطيب.
  • اشتري خامات المواسير المناسبة لعملية السباكة زي “اكواثيرم” و”بولي بروبلين” لأنها عملية جدا ومش بتصدي زي مواسير الزهر والحديد، دة غير ان عمرها الافتراضي بيزيد عن 50 سنة لو استخدمتها في درجات الحرارة والضغوط المصرح بيها. وعامتا دي أحسن أنواع المواسير الخاصة بالتغذية ونظام الصرف:
  • أفضل الأنواع لنظام التغذية بالماء: GI, Copper, PVC, , PPR, CPVC, PIPES.
  • أفضل الأنواع لنظام الصرف: PVC, RTR, CI, DI.
  • اشتري خامات البانيو المناسبة وأحسن الأنواع هي الصاج لأنه قوي وألوانه لامعة ووزنه تقيل وسعره كويس، والاكريلك لأنه قوي وأشكاله حديثة ومتاح بموديلات وألوان مختلفة.
  • تركيب رخامة الحمام والبانيو
  • سيب مسافة 20 سم على الأقل بين البانيو والحائط.
  • تركيب مواسير تغذية السخان.
  • تركيب مكان دش الحمام.
  • لو شقتك دور أرضي، اتأكد ان الصرف عندك منفصل عن صرف العمارة، علشان مع أول خلل في صرف العمارة، ممكن تنفجر المجاري فشقتك.
  • اعزل الحمام بمواد عازلة زي ( (membrain)لضمان عدم تسريب المياه أو تكسيره مرة تانية.
  • ازاي تشطب شقتك مع أحدث ديكورات اضاءة في رمضان 2019 (اعمال السباكة)

 

أعمال النجارة

خطوات التنفيذ:

  • شراء مستلزمات النجارة زي الأبواب (يفضل يكون خشب أو الوميتال)، والشبابيك مع الحلوق وشبابيك المناور، واتأكد ان الحلوق خالية من الكسور، والشقوق.
  • لازم تاخد مقاسات الباب والشباك وتحدد نوع وشكل الأبواب والحلوق في الشقة.
  • تركيب باب للشقة وفي حالة عدم وجوده ممكن تركب باب خشبي أو باب حمايه حديدي.
  • تركيب أبواب الغرف ويفضل تكون خشبية علشان بتكون أشيك وأقيم.
  • بعد كدة ممكن تتفق مع النجار يركبلك حلوق الأبواب والشبابيك.
  • لو كان باب الشقة من الخشب، اتاكد ان سمك الحلق 2 بوصة يعني تقريبا 5 سم والعرض يكون 90 سم تقريبا.
  • اتأكد من استخدام النجار للميزان لما يركب الباب علشان يكون مستقيم على الأرض بدون الحاجة لتعرضه لميول بعد كدة.
  • تركيب الشبابيك ويفضل استخدام شبابيك ال upcv وهي من أجود الخامات في عالم الشبابيك، وممكن كمان تستخدم شبابيك الألوميتال أو الخشمونيوم لأنها بتعزل التراب والدوشة على عكس الشيش العادي.

ازاي تشطب شقتك مع أحدث ديكورات اضاءة في رمضان 2019 (اعمال النجارة)

المحارة

ودي من أهم مراحل التشطيب وبيتم فيها انشاء جدار أسمنتي اضافي علشان يضمنلك قوة وصلابة الحوائط في شقتك، دة غير امن التشطيب الأساسي للشقة والدهان بيعتمد بشكل كبيرعلى المحارة.

مهم جدا في المرحلة دي انك تستعين بعامل محارة شاطر علشان النتيجة النهائية في الدهان تطلع كويسة لأنك ممكن تلاقي عيوب متعرفش تداريها بالألوان والمعجون زي ميول الحوائط وانحراف الزوايا وبيكون الاتفاق معاه على اساس المتر المربع.

الأدوات اللازمة: رمل أسمنت وجبس بلاط.

خطوات التنفيذ:

  • استخدم الونش علشان ترفع الخامات مرة واحدة لأن دة هيوفرلك 40% من تكلفة العمالة.
  • لازم ترفع الأبواب قبل ما تبدأ في أعمال المحارة للحفاظ على المونة من التلف.
  • استخدم ورق الجرنان أو الورق المقوى أو البلاستيك او ورقة الشكائر المستخدمة في تعبئة المون علشان متقعش في فتحات المواسير الكهربائية وتسدها لأن دة هيصعب مرور الأسلاك فيها بعد كدة.
  • التأكد من نظافة الأسقف والحوائط من مخلفات الصب.
  • شد سلك الفواصل.
  • الطرطشة الأسمنتية لتثبيت المحارة على الحائط.
  • البؤج والأوتار ودي من أفضل الطرق لتسوية المحارة ولكنها الأغلى في نفس الوقت.
  • مرحلة اللياسة ودي بتتم بعد تنفيذ البؤج وبيبدأ الفني في فرد مونة الأسمنت على الحيطة بعد رشها بالمياه.
  • يفضل رش أعمال البياض صباحا ومساءا لمدة أسبوع علشان تضمن الحصول على طبقة بياض ممتازة.

ازاي تشطب شقتك مع أحدث ديكورات اضاءة في رمضان 2019 (اعمال المحارة)

أعمال الأسقف والجبس والكرانيش

الهدف من المرحلة دي هو تزيين الأسقف وعمل بيوت الستائر أو بيوت النور واماكن الاسبوتات وممكن في المرحلة دي تستخدم جبس عادي أو حوائط جبسية حسب نوع التشطيب. وبشكل عام، المرحلة دي بتاخد من 7 – 10 أيام علشان تنتهي.

أنواع الجبس:

  • مصيص ودة اللي بيستخدم في عمل الكرانيش.
  • جيبسوم بورد وبيستخدم في زخرفة الأسقف، وتركيب الأنوار أو أضواء على الستائر أو في المطبخ.

الأسعار: سعر المتر منه بيتراوح من 90 – 130 جنيه حسب جودته.

ازاي تشطب شقتك مع أحدث ديكورات اضاءة في رمضان 2019 (اعمال الجبس )

النقاشة

ودي من أهم وأطول المراحل في تشطيب الشقة وبيدهن فيها النقاش حوائط الشقة كلها بالمعجون بسكينتين وبيمشي ويرجعلك تاني لما تخلص السيراميك علشان يسد سكينة معجون تالتة ويعمل سنفرة.

الأسعار:

  • متر النقاشة السائد بيتراوح من 10 – 12 جنيها.
  • مصنعية عامل النقاشة بتتراوح من 15 – 40 جنيه للمتر.

السيراميك والأرضيات

في الخطوة دي انت ومراتك بتختاروا نوع الأرضية اللي انتوا عاوزينها بس أكثر الأنواع شهرة بشكل عام الباركيه والسيراميك.

الأدوات اللازمة: الرمل، والأسمنت الأبيض، والأسمنت الأسود، والشيكارة.

الأسعار: يتراوح سعر تركيب المتر من السيراميك من 25 – 45 جنيه للمتر الواحد.

خطوات التنفيذ:

  • تركيب الأرضيات والمتابعة مع الصنايعي يوم بيوم علشان تتأكد انه اتركب صح لأنك ممكن تلاقيه أخطاء زي انه السيراميك يكون مائل أو مش منتظم أو الرسمة مش مظبوطة.
  • اتأكد من ان ميزان الأرض مظبوط ومن الاستواء الخاص بالوزارات.
  • لازم تركب وزرة عرضها 8 سم على كل الحوائط في الشقة.
  • تغليف الأرض بالكراتين للحفاظ على السيراميك أو البورسلين.
  • وانت بتختار الأرضيات، خليك حريص أنها تكون بتتميز بالطابع الجمالي والعصري في نفس الوقت.

أفضل الأماكن لشراء السيراميك في مصر: الترسة، والمعارض الكبرى، والسلاب، ومحجوب.

  • ارضية باركيهالدهان

في المرحلة دي بيرجع النقاش علشان يبطن للون النهائي اللي انت اختارته بعد ما عملك سكنية المعجون رقم 3 اللي اتكلمنا عليها في مرحلة النقاشة، وبعد كدة الوش الأخير.

لازم برده تتابعه علشان تتأكد من عدم وجود أخطاء. وفي ناس بتفضل أنها تدهن شقتها بنفسها لأنها خطوة سهلة وممكن توفر من عليك فلوس كتير.

ودي الأدوات وخطوات التنفيذ علشان لو حبيت تقوم بالمهمة دي لوحدك:

الأدوات اللازمة:

  • 2 سكين معجون
  • مكنسة يدوى (مقشة)
  • سكينة رشمة
  • 2 رول قابلة للزيادة
  • عصا للرول
  • سقالة
  • سلم أو اثنين
  • حجر جلخ (صوان)
  • نظارة للرشمة
  • 2 بستلة على الأقل (حسب مساحة الشقة)
  • 15 – 20 شيكارة معجون اكريلك (GLC)
  • اتنين معجون سوبر ممتاز
  • صنفرة
احدث ديكورات منزلية 2019 (الدهان)

احدث ديكورات منزلية 2019 (الدهان)

خطوات التنفيذ:

  • نظف الحوائط والأرضيات من سواقط الجبس والأسمنت لأنها بتضم مواد بتساهم في تفكك السيراميك من الأرضيات.
  • استخدم مادة لسد مسام المحارة علشان متشربش الدهان.
  • هتدهن سيلر للحائط اللي على المحارة وهتلاقي على كل بستلة سيلر ارشادات الاستخدام ومقدار المياه اللي تخفف بيه، المرحلة دي اسمها “التجليخ”.
  • اختار الألوان المناسبة والمتناسقة مع ألوان العفش والأرضيات والسجاد والستائر.
  • استخدم الرولة أو الفرشة وحركها بسرعة علشان اللون ينشف معاك في أسرع وقت.
  • بعد ما تخلص، استخدم السنفرة علشان تشيل أي زوائد خشنة في الحيطة.
  • لو النقاش هو اللي هيدهنلك شقتك، فلازم تعرف ان الأبواب والشبابيك ليها تكلفة مختلفة عن دهان الحوائط.
احدث ديكورات منزلية 2019 (اعمال الدهان)

احدث ديكورات منزلية 2019 (اعمال الدهان)

التشطيب النهائي

في المرحلة دي لازم تتأكد ان اتمام المراحل الجاية دي:

  • الكهربائي بيركب غطيان البرايز، والمفتاح، والتابلوه الرئيسي.
  • النجار بيركب الكوالين والأوكر ويسكك الأبواب بعد الانتهاء من الدهانات.
  • شراء وتركيب الحوض، والخلاطات، والقاعدة، والصبانات، وأغطية البلاعات.
  • تركيب مقابض الأبواب، وهتلاقي تشكيلة كبيرة منهم وحلوة جدا في “الرويعي” اللي في الموسكي.
  • اختيار الديكورات المناسبة للمنزل.
احدث ديكورات منزلية 2019 (التشطيب النهائي للشقق)

احدث ديكورات منزلية 2019 (التشطيب النهائي للشقق)

 

ثانيا أحدث ديكورات الإضاءة 2018 – طبقات الإضاءة

احدث ديكورات الإضاءة 2018

تعتبر الإضاءة أهم عناصر الديكور في البيت وده لأنها بتجمع بين الجانب الجمالي والوظيفي في وقت واحد وبتحدد مود البيت وتبرز جمال العفش وبتضيف راحة وسحر مميز لديكور البيت كله.

وديكور الإضاءة معتمد على 3 عناصر أساسية هم:

  • طبقات الإضاءة اللى بتحتاجها كل غرفة سواء إضاءة خافتة أو قوية.
  • توزيع الإضاءة على وحدات وعناصر مختلفة في كل غرفة.
  • أشكال وحدات الإضاءة.

وأول حاجة لازم نعرفها هي نوع الإضاءة والطبقات المختلفة اللي بتحتاجها كل غرفة، علشان يكون ديكور البيت متناغم وغير عشوائي.

 

طبقات الإضاءة في كل غرفة:

كل جزء في كل غرفة في البيت بيحتاج مستوى وطبقات معينة من الضوء سواء علشان تدي المود المناسب أو علشان تعرض العفش بشكل مميز أو حتى علشان تساعدكم تنجزوا مهام البيت بشكل أسهل.

طبقات الاضاءة

  • غرفة المعيشة

لازم تكون الإضاءة فيها قوية علشان تكون مريحة ومناسبة للتجمعات العائلية وتجمعات الأصحاب وتبرز المشاعر الإيجابية في المكان، ده غير أن معظم وقتك بتقضيه في الغرفة دي.

وعلشان تحقق الراحة دي لازم تبعد الإضاءة المباشرة عن أماكن الجلوس وتستبدلها بإضاءة مركزية في وسط الغرفة.

إضاءة ريسبشن 2018

  • الريسيبشن

عادةً الريسيبشن بيكون فيه قطع ديكور قيمة وأفكار مبهرة تحتاج إظهار بشكل واضح، علشان كده هتحتاج فيه إضاءات مباشرة مركزة على الأجزاء دي. وفي نفس الوقت ممكن تزود إضاءات مخفية غير مركزة على أماكن الجلوس علشان تتجنب شعور ضيوفك بالتوتر والإزعاج.

  • غرفة السفرة

وبالنسبة لغرفة السفرة، فأفضل وضع للإضاءة هو تسليطها بشكل مباشر على محورها الرئيسي، طاولة الطعام علشان توفر الراحة والهدوء اللي بيساعد على الاستمتاع بالأكل.

إضاءة سفرة 2018

  • المطبخ

وطبعاً لأن المطبخ هو مملكة كل ست في البيت، لازم المطبخ يكون مريح والحركة فيه تكون سهلة، علشان كده الإضاءة بتكون عالية في الأجزاء اللي بيعتمد عليها الطبخ والتقطيع بشكل خاص. وفي نفس الوقت لازم تكون فيه إضاءة مركزية تضئ المطبخ بشكل عام.

  • غرفة النوم

أكتر مكان بيحتاج ضوء خافت هو غرفة النوم، وده علشان يوفر إحساس بالهدوء والسكينة اللي بتساعد على النوم بشكل أفضل في جو مريح. علشان كده يفضل أن الإضاءات في الغرفة تكون قليلة وتكون مقتصرة على إضاءات جانبية على أطراف السرير.

إضاءة غرف النوم 2018

  • غرفة الملابس

على عكس باقي غرفة النوم، التسريحة والجزء المخصص للملابس بيكون ليه شعور خاص مميز لكل ست.

علشان تجمع الغرفة بين الأناقة والعملية، لازم تكون الإضاءة فيها عالية عن طريق إضاءة شاملة وإضاءة داخلية تساعد على رؤية التفاصيل واختيار اللبس المناسب بسهولة. إضاءة غرفة ملابس 2018

 

الغرفة دي بتجمع بين أنشطة كتير زي اللعب والنوم والدراسة، لازم الإضاءة تشجع عليهم كلهم.

علشان كده اختاروا للغرفة إضاءة مركزية وسط الغرفة، وإضاءات مركزة على مكتب الدراسة، وإضاءات خافتة حول السرير لتساعد على النوم.

إضاءة غرفة أطفال 2018

بعد ما عرفنا مستوى الإضاءات والطبقات اللى محتاجاها كل غرفة، هنتعرف على توزيع الإضاءة بالشكل الأنسب للغرف دي في الجزء الثاني من المقال ده.

ثالثا أحدث افكار لتزيين المنزل في رمضان بالصور 2019

احدث ديكورات الإضاءة 2018

رمضان هو شهر البهجة والخير حيث يقترن دائماً باللقاءات العائلية، وعادةً ما تضفي الزينة المنزلية لمسة رائعة لتلك التجمعات.

ومع تنافس العديد على عرض مواهبهم الفنية بابتكار افكار لتزيين البيت استقبالاً للشهر الكريم، نعرض لك أحدث افكار لزينة رمضان بالمنزل بكل غرفة لتضفي لمسات روحانية مبهجة على منزلك.

أحدث افكار لتزيين المنزل في رمضان بالصور

أولًا: غرفة السفرة:

هى أكثر الغرف استخدامًا في الشهر الكريم لأنها تجمع العائلات والأصدقاء على وجبات الإفطار والصحور، ولذلك يهتم الكثيرين بهذه الغرفة أكثر من غيرها لأنها تمثل وجهة للضيوف وتكشف عن الذوق العام لباقي المنزل.

أهم أفكار ديكورات رمضان للسفرة:

  • صناعة بعض الشراشف من قماش الخيامية ووضعها على السفرة.
  • تزيين بعض أواني وأدوات تقديم الطعام أيضًا بقماش الخيامية لتصبح بمثابة ديكور أنيق للغرفة.
  • لصق بعض ورق الزينة المزخرف بنقاشات رمضانية على كراسي السفرة.
  • اضافة فانوس رمضان في منتصف المائدة
  • اذا كان لديك حديقة تابعة للمنزل، فهذا يتيح لك فرصة رائعة لفرش مائدة خاصة بشهر رمضان حيث يمكنك الاستمتاع بالخضرة والجو اللطيف أثناء تناول الوجبات.

ثانيًا: غرفة الصالون:

تعتبر هذه الغرفة هى أول ما يرى الضيوف ولذلك لابد من التركيز على تزيينها أكثر من أى ديكور رمضاني للبيت، ويوجد الكثير من الأفكار يمكنك تقسيمها حسب مساحة غرفة الصالون.

أهم أفكار ديكورات رمضان للصالون:

  • إضافة شجرة منزلية شبيهة لشجرة الكريسماس لكن على شكل هلال رمضان.
  • صناعة فروع زينة يدويًا وتعليقها على الحائط، وهناك توجه جديد لتصميم تابلوه رمضاني وتعليقه على الحائط.
  • استخدام بعض القطع من قماش الخيامية لتغطية وسائد فرش الصالون.
  • وضع بعض فوانيس رمضان وشموع مزينة بنقشات اسلامية على طاولة الصالون.
  • إضافة فانوس كبير من الحديد على طاولة جانبية وانارته ببعض اللمبات الصغيرة.
  • إذا كنت تمتلك دوبلكس أو فيلا، فيمكنك اضافة بعض الفوانيس على جوانب السلالم المؤدية إلى الأدوار العليا.

ثالثأ:الطعام والمطبخ:

يعتبر المطبخ من أكثر الأماكن التي يمكنك فيه ابداع وابتكار افكار رمضانيه للمنزل، وهو من الأماكن التي تقضي فيها السيدات معظم ساعات الصيام.

أهم أفكار ديكورات رمضان للمطبخ:

  • استخدام أدوات خاصة للطبخ من أواني وأطباق بأشكال رمضانية ليصبح الطعام المقدم أيضًا بتلك الأشكال.
  • صناعة وجبات كاملة مزينة بزخارف رمضانية.
  • لصق بعض ورق الزينة المزخرف بنقاشات رمضانية على كراسي المطبخ.
  • بالنسبة للأجهزة الكهربائية، يمكنك تزيين الثلاجة أو غيرها ببعض اللمسات البسيطة لتساعد على تحسين مزاجك أثناء ساعات الصيام الطويلة.

رابعًا: غرف النوم

التوجه الجديد من ديكور رمضاني للمنزل هو الاهتمام بتزين غرف النوم لخلق جو إضافي من البهجة والتمتع بهذا الوقت المبهج من كل سنة.

أهم أفكار ديكورات رمضان لغرف النوم:

  • اضافة بعض قماش الخيامية على السرير أو حياكة بعض الوسائد بزخارف شعبية مثل الخمسة وخميسة.
  • اضافة فانوس كبير في ركن الغرفة.
  • اضافة بعض الزينة الورقية أعلى السرير.
  • اضافة بعض مدافع رمضان المصنعة يدويا على الكومود بجانب السرير.
  • تصميم تابلوهات ملونة مزخرفة ببعض الكلمات العربية وتعليقها على الحائط
  • قص بعض الصور على أشكال وزخارف اسلامية ولصقها على الحائط.

شاهد ايضا أهم 23 نصيحة هتخلي ديكورات شقتك جنة

أحدث ديكورات شقق مودرن من كتالوج التصميم الداخلي والخارجي 2019

Leave a Comment